हामी सबैकाे संसारन्यूज

काठमाडौं । नेपाली कांग्रेसका नेता डा शेखर कोइरालाले केन्द्रदेखि गाउँसम्म विभाजित नभई निर्वाचनमा लाग्नुपर्ने बताएका छन् । नेता डा कोइरालाले नयाँ वर्ष २०७९ को अवसरमा आज शुभकामना सन्देश दिँदै यस्तो बताएका हुन् ।

नेता डा कोइरालाले सबैको क्रियाशीलतामा मात्र कांग्रेस र लोकतन्त्रको भविष्य सुनिश्चित रहको बताए । उनले विगतको वर्ष कष्टकर रहेको भन्दै नयाँ वर्षलाई उत्साह र एकताका साथ अगाडि बढाउनुपर्ने उल्लेख गरे ।

नेता डा कोइरालाले पार्टीभित्र भएका मतभेद र मनभेदलाई पार्टीभित्रै छलफल, बहस र छिनोफानो गर्दै जाने जनाउँदै पार्टीभित्र भएका अन्यायपूर्ण निर्णय, काखा र पाखा गरिने प्रवृत्तिविरुद्ध सङ्घर्ष गर्दै जाने बताए । उनले आगामी तीनै तहका निर्वाचनमा कांग्रेसलाई विजय गराउने अभियानमा सबै लाग्नुपर्ने समेत बताएका छन् ।