हामी सबैकाे संसारन्यूज

४ वैशाख, काठमाडौँ । दिल्ली क्यापिटल्सलाई पराजित गर्दै रोयल च्यालेन्जर्स बेङ्गलोर आईपिएल अकं तालिकाको तेस्रो स्थानमा उक्लिएको छ । बेङ्गलोरले आफ्नो छैठौँ खेलमा दिल्ली क्यापिटल्सलाई १६ रनले पराजित गरेको हा ।

टस हारेर पहिले ब्याटिङ्ग गरेको रोयल च्यालेन्जर्स बेङ्गलोरले २० ओभरमा ५ विकेट गुमाएर १८९ रन बनाएको थियो । बेङ्गलोरका लागि ब्याटिङ्गमा ग्लेन म्याक्सवेल र दिनेश कार्तिकले अर्धसतकीय पारी खेलेका थिए । ग्लेन म्याक्सवेल ३४ बलमा ५५ रन बनाएर आउट भएका थिए भने दिनेश कार्तिक ३४ बलमा ६६ रन बनाएर नटआउट रहेका थिए । बलिङ्ग तर्फ दिल्ली क्यापिटल्सका लागि शादुर्ल ठाकुर, कुलदिप यादव, खलिल अहमद र अक्सर पटेलले समान १/१ विकेट हात पारेका थिए ।

१९० रनको विशाल लक्ष्य पछाएको दिल्लीले २० ओभरमा ७ विकेट गुमाएर १७३ रन मात्र बनाउन सक्यो । दिल्लीका लागि ब्याटिङ्गमा डेविड वार्नरले ३८ बलमा ६६ रनको विस्फोटक पारी खेले पनि टिमलाई जित भने दिलाउन सकेनन् । बेङ्गलोरका लागि बलिङ्गमा जश हेजलवुडले सर्वाधिक ३ विकेट हात पारेका थिए ।