हामी सबैकाे संसारन्यूज

झापा । प्रदेश नं १ को दमक नगरपालिकामा माओवादी बुद्दिजीवी राधिका ओझाले दावी गरेकी छन् ।

झापा जिल्लाको एक प्रमुख नगरपालिका दमकको उपमेयरमा आफ्नो दावी रहेको भन्दै नेपाल बुद्दिजीवी संगठन प्रदेश नं १ की अध्यक्ष राधिका ओझाले आफु प्रतिस्प्रधीमा रहेको विषय सार्वजनिक गरेकी छन् ।

लामो समयदेखि प्राध्यापन पेशामा संलग्न रहेकी ओझा दमक बहुमुखी क्याम्पसको सहायक प्रमुख भै विभिन्न सामाजिक संस्थाहरुमार्फत् पहिचान बनाएकी सामाजिक व्यक्तित्व समेत हुन् । उनले पाएसम्म मुख्य नेतृत्व, नमिलेमा उपमेयर भएपनि नमुना काम गरेर देखाउने चाहना भएको कुरा आफु सम्बद्ध दल नेकपा (माओवादी केन्द्र) मा राखेको बताइन्छ ।

माक्र्सवादी ज्ञान केन्द्र मार्फत् माक्र्सवादको दर्शन र सिद्धान्त संप्रेषण गर्ने कार्यमा समेत सक्रिय रहेकी अ‍ेझालाई नेकपा (माओवादी केन्द्र) ले टिकट दिने सम्भावना रहेको बताइएको छ। दमकमा सत्तारुढ गठबन्धनले राप्रपाि नेता राम थापासँग सहकार्य गर्ने समाचार यसअघि सार्वजनिक भएको छ ।