Sansar News
काठमाडौं । स्याङ्जाको वालिङमा जीप दुर्घटना भएको छ । वालिङ –१२ डाँडाखर्कस्थित फिरफिरे स्कुल नजिकै आइतबार जीप दुर्घटना भएको हो ।
डाँडाखर्कदेखि वालिङतर्फ आउँदै गरेको ग १ ज ७३९९ नम्बरको जीप भित्री सडक खण्डबाट करिब २ सय मिटर तल खसेको जिल्ला प्रहरी कार्यालय स्याङ्जाले जनाएको छ । प्रहरीले जनाएअनुसार दुर्घटनामा परि ५ जनाको ज्यान गएको छ ।
प्रहरीका अनुसार घटनास्थलमै ४ जना र उपचारका क्रममा थप १ जनाको मृत्यु भएको हो ।
घटनामा घाईते ६ जनालाई गण्डकी मेडिकल कलेज, पोखरा लगिएको प्रहरीले जनाएको छ ।
११ जना यात्रु बोकेको जीप आइतबार बिहान साढे १० बजेतिर दुर्घटना भएको थियो । दुर्घटनामा गाडी चालक पनि गम्भीर घाइते रहेको प्रहरीले जनाएको छ ।
वि.सं.२०७९ वैशाख ४ आइतवार १२:३५ मा प्रकाशित
