हामी सबैकाे संसारन्यूज

काठमाडौं । नेपाली कांग्रेसले काठमाडौं महानगरपालिकाको मेयरका लागि पाँच जनाको नाम सिफारिस गरेको छ । नगर सचिव पुरुषोत्तम खकुरेलले जनाकारी दिएअनुसार नगर समितिले नीलकाजी शाक्य, सिर्जना सिंह, हरिप्रभा खड्गी, सुशन वैद्य र प्रगतिमान रञ्जितको नाम सिफारिस गरेको हो ।

नगर समितिले सिफारिस गरको सिर्जना सिंह नेता प्रकाशमान सिंहकी पत्नी हुन् । त्यसैगरि मेयरको सिफारिसमा परेकी खड्गी बहालवाला उपमेयर हुन् ।

नगरसमितिले सिफारिस गरेका नीलकाजी शाक्य स्वंय कांग्रेस नगरसभापति हुन् । उनी वडा नम्बर २५ का बहालवाला वडाध्यक्ष पनि हुन् ।

सत्ता गठबन्धनले काठमाडौंमा कांग्रेसका तर्फबाट मेयर र नेकपा (एकीकृत समाजवादी)बाट तर्फबाट उपमेयर पदमा उम्मेदवारी दिने सहमति गरिसकेका छन् । सोही सहमतिअनुसार कांग्रेसले मेयरको उम्मेदवार छनोट गर्न लागेको हो । बिहीबार बस्ने कांग्रेस केन्द्रको बैठकले महानगर र उपमहानगरका उम्मेदवार चयन गर्नेछ ।