Sansar News
काठमाडौं । अभिनेत्री करिश्मा मानन्धरले सामाजिक सञ्जाल आधिकारिक नाम फेरेकी छिन् । हालै एमाले प्रवेश गरेकी मानन्धरले सामाजिक सञ्जालमा करिश्मा मानन्धरसँगै नाम ‘सुर्य कुमारी’ राखेकी हुन् ।
मानन्धरले एमाले प्रवेश गरेसँगै आफ्नो न्वारानको नाम सुर्य कुमारी भएको बताएकी थिइन । उनले आफुँ जन्मजात एमालेको भएको भन्दै एमालेको सुर्य चिन्ह र आफ्नो न्वारानको नाम एउटै भएको बताएकी थिइन ।
सामाजिक सञ्जालमा उनको अभिव्यक्तिमाथि चर्चा भइरहेको बेला उनले फेसबुकमा नाम फेरेकी हुन् । उनले करिश्मा मानन्धरसँगै ब्राकेटमा सुर्य कुमारी राखेकी छिन् ।
फेसबुकले तत्कालै नाम परिवर्तन गर्न नदिने भएका कारण पनि उनले दुवै नाम राखेको बुझिएको छ ।
वि.सं.२०७९ वैशाख ८ बिहीवार १४:५८ मा प्रकाशित
