हामी सबैकाे संसारन्यूज

काठमाडौं । नेकपा (एमाले)सँग चुनावी तालमेल गर्ने विषयले लोकतान्त्रिक समाजवादी पार्टी (लोसपा)भित्र भाँडभैलो मच्चिएको छ । नेताहरु एमालेसँग आत्मसमर्पण गरेको भन्दै विरोधमा उभिएका छन् ।

लोसपाको वीरगञ्ज महानगर कमिटीका अध्यक्ष ओमप्रकाश सर्राफले एमालेसँगको सहमति कार्यान्वयन नहुने बताए । उनले आफुँहरुसँग सल्लाह नै नगरी एमालेलाई मेयर दिने निर्णय गरिएको बताए ।

“हामी एक्लै चुनावी प्रतिस्पर्धामा जाने तयारीमा थियौं तर, नगर कमिटीलाई नै थाहा नदिई एमालेसँग आत्मसमर्पण गर्ने निर्णय गरिएछ”, सर्राफले सञ्चारमाध्यमसँग भनेका छन्, “यो निर्णय आत्मसमर्पण मात्रै होइन पार्टीलाई सखाप पार्ने निर्णय हो ।”

उनले माथिल्ला नेता मिल्दैमा सहमति नहुने बताए । नगर कमिटीको मागलाई सम्बोधन नगरिए आफुँ स्वतन्त्र उम्मेदवार उठ्न सक्ने जनाउ पनि दिएका छन् । सर्राफ सुरुदेखि नै मेयरको दाबीदारे गर्दै आएका थिए ।

बताइएअनुसार लोसपाभित्र विद्रोह भएमा एमालेले उपस्थिति वीरगञ्जमा निकै कमजोर हुनेछ । लोसपासँगको सहकार्य एमालेका लागि फाइदाकर नहुने धेरैको बुझाइ छ ।