हामी सबैकाे संसारन्यूज

काठमाडौं । आजदेखि माध्यमिक शिक्षा परीक्षा (एसईई) सुरु भएको छ ।

बिहान ८ बजेदेखि देशभरीका विद्यालयमा एकसाथ एसईई परीक्षा सुरु भएको हो ।

आजबाट सुरु भएर बैशाख २० गतेसम्म सञ्चालन हुने उक्त परीक्षाको आज पहिलो दिन अनिवार्य अङ्ग्रेजी विषयको परीक्षा रहेको छ ।
राष्ट्रिय परीक्षा बोर्डका अनुसार देशैभरीका ११ हजार ६ सय पाँच विद्यालयबाट ५ लाख १४ हजार ९ सय ६७ परीक्षार्थी एसईई परीक्षामा सहभागी हुँदैछन् । तीमध्ये २ लाख ५७ हजार ९ सय २७ छात्र र २ लाख ५७ हजार ५३ छात्रा छन् ।

बोर्डका अनुसार एसईईका लागि देशभर २ हजार ७ परीक्षा केन्द्र तोकिएको छ ।

स्मरण रहोस् अघिल्ला दुईवर्ष २०७६ र ७७ मा कोभिड–१९ का कारण विद्यालयको आन्तरिक मूल्यांकनका आधारमा राष्ट्रिय परीक्षा बोर्डले ग्रेडसिट जारी गरेको थियो । यसवर्ष सामान्य स्वास्थ्य मापदण्ड पालना गरेर भौतिक रुपमै उपस्थित भएर परीक्षा संचालन गरिएको हो ।