Sansar News
काठमाडौं । नेपाली कांग्रेसको केन्द्रीय कार्यसम्पादन समितिको बैठक आज बस्दैछ ।
नेपाली कांग्रेसका मुख्यसचिव कृष्णप्रसाद पौडेलका अनुसार आजको बैठकमा महानगर र उपमहानगरपालिकाको मेयर र उपमेयरको उम्मेदवारबारे छलफल हुनेछ ।
शुक्रबार बिहान बस्ने भनिएको उक्त बैठक पदाधिकारीहरुको बैठक लम्बिएका कारण बस्न नसकेपछि ११ बजेका लागि सारिएको थियो ।
पाँचदलीय गठबन्धनको मुख्य नेतृत्व गरिरहेको नेपाली कांग्रेसले गठबन्धनभित्र महानगर÷उपमहानगरका बागबण्डाको टुंगो लगाइसकेके पनि पार्टीभित्र भने उम्मेदवारको टुंगो लगाउन सकेको छैन ।
पदका आकांक्षी धेरै भएको तथा सभापति देउवाले गरेका कतिपय निर्णयमा स्थानीयतहका नेता तथा कार्यकर्ताहरुले आपत्ति जनाउँदै आएपछि कांग्रेसभित्रै समस्या देखिएको छ । स्थानीयतहको निर्वाचन बैशाख ३० गते हुँदैछ ।
वि.सं.२०७९ वैशाख १० शनिवार ०८:२३ मा प्रकाशित
