हामी सबैकाे संसारन्यूज

काठमाडौं । नेपाल राष्ट्र बैंकले भुक्तानी प्रणाली सम्बन्धी नियम संशोधन तथा थप गरेको छ । राष्ट्र बैंकको भुक्तानी प्रणाली विभागले सोमबार एकिकृत निर्देशिका संशोधन तथा थप गरेको हो ।

राष्ट्र बैंकले जारी गरेको एकिकृत निर्देशिका संशोधनमा क्रेडिट कार्डमार्फत वालेटमा लोड गरिएको रकम वस्तु तथा सेवाको विद्युतीय भुक्तानीको लागि मात्र प्रयोग गर्नुपर्नेछ । उक्त रकम बैंक खातामा ट्रान्सफर गर्न र नगद झिक्न नमिल्ने व्यवस्था सम्बन्धित भुक्तानी सेवा प्रदायक संस्थाले गर्नु पर्नेछ । सामान्यतया क्रेडिट कार्डबाट नगद कारोबार गर्न पाइने छैन । तर अत्यावश्यक भएको अवस्थामा कार्डको स्वीकृछ सीमाको १० (दश) प्रतिशतसम्म नगद झिक्न बाधा पुगेको मानिने छैन भन्ने उल्लेख छ ।

विद्युतीय वालेटमा ग्राहकले खाता खोल्दा तथा ग्राहक पहिचन विवरण अद्यावधिक गर्दा “पेश गरेको विवरण ठिक साँचो रहेको तथा सो विवरण झुटो ठहरिएमा कानुन बमोजिम सहुँला/बुझाउँला” भन्ने व्यहोराको रुपमा स्वःघोषणा गर्नु पर्ने संशोधनमा उल्लेख छ । विद्युतीय वालेटमा रकम लोड गर्दा, एक वालेटबाट अर्को वालेटमा रकमान्तर गर्दा तथा अन्य विद्युतीय भुक्तानी कारोबार गर्दा अनिवार्य रुपमा प्रयोजन खुलाउनु पर्ने व्यवस्था गर्नु पर्ने संशोधनमा उल्लेख गरिएको छ ।

यस्तो छ सूचनाः