हामी सबैकाे संसारन्यूज

२५ वैशाख, काठमाडौँ । कोलकत्ता नाइट राइडर्सलाई ७५ रनले पराजित गर्दै लखनऊ सुपर जायन्ट्स आईपिएल अकं तालिकाको शिर्ष स्थानमा उक्लिएको छ ।

टस हारेर पहिले ब्याटिङ्ग गरेको लखनऊले २० ओभरमा ७ विकेट गुमाएर १७६ रन बनाएको थियो । लखनऊका लागि ब्याटिङ्गमा क्विन्टन डि ककले सर्वाधिक ५० रन बनाएका थिए भने कोलकत्ताका लागि बलिङ्गमा आन्द्रे रसलले सर्वाधिक २ विकेट हात पारेका थिए ।

१७७ रनको लक्ष्य पछाएको कोलकत्ताको टिमले पुरै २० ओभर पनि ब्याटिङ्ग गर्न सकेन । कोकलत्तको टिम १४.३ ओभरमा १०१ रन बनाएर अलआउट हुन पुगेको थियो । कोलकत्ताका लागि ब्याटिङ्गमा ३ खेलाडीले मात्र दोहोरो अकंमा रन जोड्न सफल भएका थिए । कोलकत्ताका लागि एरण फिंचले १४, आन्द्रे रसलले ४५ र सुनिल नरायणले २२ रन जोडेका थिए । लखनऊका लागि बलिङ्गमा आवेश खान र जेशन होल्डरले सर्वाधिक ३/३ विकेट हात पारेका थिए ।