Sansar News
सिरहा । मतदातालाई पैसा बाँड्ने नेकपा (माओवादी केन्द्र)का एक कार्यकर्तालाई प्रहरीले नियन्त्रणमा लिएको छ । नमूना मतपत्रमा पार्टीको चुनाव चिन्ह देखाउँदै प्रतिव्यक्ति दुई हजारदेखि पाँच हजार रुपैयाँ बाँड्दै गरेको अवस्थामा माओवादी केन्द्रका कार्यकर्ता प्रेम लामालाई प्रहरीले नियन्त्रणमा लिएको हो ।
उनको साथबाट मतपत्र र ५४ हजार रूपैयाँ बरामद भएको प्रहरीले जनाएको छ । स्थानीयले उनलाई नियन्त्रणमा लिएर गोलबजार प्रहरीको जिम्मा लगाएका हुन् ।
लामालाई मतपत्र र रकमसहित स्थानीयले नियन्त्रणमा लिइ प्रहरीलाई बुझाएको र आवश्यक अनुसन्धान भइरहेको इलाका प्रहरी कार्यालय गोलबजारका प्रहरी निरीक्षक राजु केसीले जनाए ।
गोलबजार नगरपालिकामा माओवादी केन्द्रबाट मेयरमा देवनाथ साह पुन उम्मेदवार बनेका हुन् ।
वि.सं.२०७९ वैशाख २८ बुधवार १५:३१ मा प्रकाशित
