Sansar News
काठमाडौं । भारतीय वायुसेनाको विमान गौतमबुद्ध विमानस्थल भैरहवामा अवतरण गरेको छ । बुधबार भारतीय सुरक्षाकर्मी एसपीजी (स्पेशल प्रोटेक्सन गार्ड) को टोली लिएर आएको विमान भैरहवा विमानस्थलमा अवतरण गरेको हो ।
विमानस्थलका प्रवक्ता श्यामकिशोर साहका अनुसार विमान नयाँ दिल्लीबाट सोझै भैरहवा आएको हो ।
भारतीय प्रधानमन्त्री मोदी यही जेठ २ गते लुम्बिनी आउने कार्यक्रम छ । उनको भ्रमणपूर्व सुरक्षा व्यवस्था मिलाउन भारतीय सुरक्षाकर्मी लुम्बिनी आइपुगेका हुन् । उनीहरूलाई छोडेर विमान आजै फिर्ता जाने प्रवक्ता साहले जानकारी दिए ।
विमानमा भारतीय प्रधानमन्त्री मोदीले प्रयोग गर्ने गाडीसमेत ल्याइएको छ ।
वि.सं.२०७९ वैशाख २८ बुधवार १४:३७ मा प्रकाशित
