Sansar News
काठमाडौं । नेपालमा थप २१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३ हजार ७ सय ८८ नमुना परीक्षणमा थप २१ जनामा कोरोना संक्रमण देखिएको हो । आज थपिएका २१ जनासँगै नेपालमा हालसम्म कोरोना संक्रमति हुनेको संख्या ९ लाख ७८ हजार ८७२ पुगेको छ ।
त्यसैगरी आज निको भएका १६ जनासँगै नेपालमा हालसम्म ९ लाख ६६ हजार ८३९ जना निको भएका छन् । साथै कूल संक्रमित मध्ये हालसम्म ज्यान गुमाउनेको संख्या ११ हजार ९५२ रहेको छ ।
त्यस्तै हाल १८७ जना सक्रिय संक्रमित रहेका छन् । ती मध्ये होम आइसोलेशनमा १८६, संस्थागत आइसोलेशनमा १ जना रहेको छ भने आइसीयु र भेन्टिलेटरमा रहनेको संख्या शून्य रहेको छ । पछिल्लो २४ घण्टामा ११ हजार ५ मात्रा कोरोनाविरुद्धको खोप लगाइएको छ ।
वि.सं.२०७९ वैशाख २८ बुधवार १६:३७ मा प्रकाशित
