Sansar News
काठमाडौं । गुल्मीको रेसुङ्गा नगरपालिकाको मेयरमा नेपाली कांग्रेसका सभापति खिलध्वज पन्थी विजयी भएका छन् ।
नेपाली कांग्रेस गुल्मी जिल्ला सभापति समेत रहेका पन्थीले ८ हजार ६१४ मत ल्याएर नगरप्रमुखमा विजयी भएका हुन् ।
त्यसैगरी उपप्रमुख पदमा कांग्रेसकै अमृतादेवी कुवँरले ८ हजार १९ मत ल्याएर विजयी भएकी छन् ।
त्यस्तै नगर प्रमुखका उम्मेदवार रहेका नेकपा एमालेका राजेन्द्रप्रसाद पाण्डेयले ७,३२० मत ल्याएका थिए भने उपप्रमुखमा एमाले उम्मेदवार रीता पाण्डेले ७,२३१ मत प्राप्त गरेकी थिइन् ।
२३ हजार ५३१ मतदाता रहेको उक्त नगरपालिकामा १६ हजार २३९ मत खसेको थियो । निर्वाचन अधिकृतको कार्यालयका अनुसार नगरपालिकाका १० वडामा नेपाली कांग्रेस र ४ वटा वडामा नेकपा एमालेका उम्मेदवार निर्वाचित भएका छन् ।
वि.सं.२०७९ जेठ १ आइतवार ०७:०९ मा प्रकाशित
