हामी सबैकाे संसारन्यूज

बुटवल । रुपन्देहीको तिलोत्तमा नगरपालिकाको मेयरमा साझा गठबन्धनबाट मेयरको उम्मेदवार बनेका नेपाली कांग्रेसका रामकृष्ण खाँण विजयी भएका छन् ।

मेयरका उम्मेदवार खाँणले २४ हजार ३९६ मत ल्याएर विजयी हुँदा उनका प्रतिद्धन्द्धी एमालेबाट मेयरको उम्मेदवार रहेका मोहन चापागाईंले २३ हजार ६३१ मत ल्याएका थिए । चापागाईँ ७६५ मतले खाँडबाट पराजित भएका हुन् ।

गृहमन्त्री बालकृष्ण खाँडका भाइ रहेका मेयर रामकृष्ण नेपाली कांग्रेस रुपन्देहीका सभापति समेत हुन् ।

त्यसैगरी उपमेयरमा एमालेकी उम्मेदवार जगेश्वरीदेवी चौधरी विजयी भएकी छन् । चौधरीले २३ हजार ८६ मत ल्याएर विजयी हुँदा गठबन्धनबाट साझा उम्मेदवार बनेका नेकपा माओवादी केन्द्रका हेमन्त पाण्डेले ११ हजार ५४६ मत मात्रै प्राप्त गरे । चौधरीले पाण्डेलाई झण्डै दोब्बर मतले पराजित गरेकी हुन् ।

जम्मा १७ वडा रहेको तिलोत्तमा नगरपालिकामा एमाले ८, नेपाली कांग्रेसले ९ वडा जितेको छ । तिलोत्तमामा ८५ हजार ७४७ मतदाता रहेकोमा ६३ हजार ५८८ मत खसेको थियो ।