Sansar News
मुगु । जिल्लाको चारवटा स्थानीय तहमध्ये सोरु गाउँपालिकाको पहिलो कार्यपालिकाको बैठकले भ्रष्टाचार मुक्त पालिका र महिलालाई पोषण कार्यक्रम लागू गर्ने निर्णय गरेको छ ।
गाउँपालिकादेखि कार्यपालिकाको निर्बाचन सकिए लगत्तै बैठक बसेर पालिकालाई भ्रष्टचारमुक्त, महिलालाई पोषण कार्यक्रम तथा वडातहमै स्थानीयलाई सेवाप्रबाह गर्ने निर्णय गरिएको अध्यक्ष धर्मबहादुर शाहीले बताए ।
अघिल्लो बर्षको जनप्रतिनिधिले संचालन गरेको पालिका भन्दा बिशेष फरक तरिकाबाट प्रशासनिक कामकाज सेवाप्रबाह बिकास सुरु गरिने अध्यक्षको भनाई छ ।
भ्रष्टाचार न्यूनिकरण नभएसम्म बिकास निर्माणको प्रतिफल नदेखिने भएको पहिलो कार्यपालिकाको बैठकले पालिकालाई भ्रष्टचारमुक्त बनाउने निर्णय गरेको उपाध्यक्ष केशरजंग शाहीको भनाई छ । अब देखि यो पालिकाको कार्यशैली बिकास निर्माण कर्मचारी परिचालन र स्थानीयलाई सेवाप्रबाहका काम अत्यन्तै फरक ढंगले अघि बढने उपाध्यक्षले जनाए ।
नवनिर्बाचित जनप्रतिनिधिले सोरु गाउँपालिकाको मुहार परिर्वतन गर्न नसके भोट हालेर जिताउने स्थानीयको सराप लाग्ने उनको भनाई छ ।
वि.सं.२०७९ जेठ १६ सोमवार ११:५२ मा प्रकाशित
