Sansar News
काठमाडौं । तारा एयरको विमान दुर्घटनामा मृत्यु हुनेहरुको शब काठमाडौं ल्याइने भएको छ ।
आइतबार पोखराबाट मुस्ताङका लागि उडेको केही समयमै वेपत्ता भएको तारा एयरको विमान सोमबार बिहान मुस्ताङको थासाङ गाउँपालिका वडा नं २ को सानुसारे भिरमा दुर्घटनाग्रस्त अवस्थामा फेला परेको थियो ।
त्रिभुवन विमानस्थल नागरिक उड्डयन कार्यालयका प्रवक्ता टेकनाथ सिटौलाका अनुसार दुर्घटनामा परेर मृत्यु भएकाहरुको १९ जनाको शव फेला परेको छ । उक्त शबहरु पोष्टमार्टमका लागि काठमाडौं ल्याउन लागिएको हो ।
प्रहरी प्रवक्ता (एसपी) कृष्णकुमार केसीले उक्त शबहरुको त्रिवि शिक्षण अस्पतालमा पोष्टमार्टम गरिने जानकारी दिएका छन् ।
आइतबार पोखराबाट मुस्ताङका लागि उडेको उक्त जहाजमा चालकदलका सदस्यसहित २२ यात्रु छन् । विमानमा २ जर्मनी र ४ भारतीय पनि रहेका थिए । विमान १४ हजार ५०० फिटको उचाईमा दुर्घटना भएको तारा एयरले जनाएको छ ।
जहाज दुर्घटनाको पुष्टि गर्दै तारा एयरले भन्यो– दुर्घटनाको जानकारी गराउँदा स्तब्ध छौ
वि.सं.२०७९ जेठ १६ सोमवार ११:३८ मा प्रकाशित
