Sansar News
काठमाडौं । नेपालमा कोरोनाका सक्रिय संक्रमित ९७ जनामात्रै रहेका छन् ।
स्वास्थ्य तथा जनसङ्ख्या मन्त्रालयका अनुसार नेपालमा पछिल्लो २४ घण्टामा थपिएका ९ जनासँगै जम्मा ९७ जना सक्रिय संक्रमित रहेका छन् । उनीहरु सबै होम आइसोलेशनमा रहेका छन् । साथै आइसीयु र भेन्टिलेटरमा उपचार गराउनेको संख्या पनि शून्य रहेको छ ।
मन्त्रालयका अनुसार पछिल्लो २४ घण्टामा थपिएका ९ जनासँगै नेपालमा कोरोना संक्रमण हुनेको कूल संख्या ९ लाख ७९ हजार १४० रहेको छ । साथै आज कोरोना संक्रमणबाट मुक्त भएका १३ जनासँगै नेपालमा हालसम्म कोरोनाबाट निको हुनेको संख्या ९ लाख ६७ हजार पुगेको छ । नेपालमा हालसम्म कोरोनाबाट ११ हजार ९५२ जनाले ज्यान गुमाएका छन् ।
वि.सं.२०७९ जेठ १७ मंगलवार १७:४३ मा प्रकाशित
