Logo
३० श्रावण २०७९, सोमबार
     Mon Aug 15 2022
E-paper
  English Edition
   Unicode
Logo

४८ दिनदेखि अचेत छन भुवन, जिवन वचाईदिन परिवारको अपिल



bhuban1अनिल वाग्ले ८ चैत, बुधबारे । बुद्धशान्ति गाउँपालिका २ जयपुरका २३ बर्षिय भुवन पौड्याल ४८ दिनदेखि जीवनमरणको दोसाँधमा हस्पतालको शैयामा छट्पटाइरहेका छन् । गत माघ १८ गते सवारी दुर्घटनामा परि शक्त घाइते भएका पौड्याल यतिवेला विर्तामोडको विएण्डसी अस्पतालमा उपचाररत् छन् ।

घरबाट विर्तामोड जानेक्रममा माघ १८ गते मे १ त ४८७७ नम्बरको ट्याक्टरले स्कुटीमा सवार उनलाई ठक्कर दिँदा उनको टाउकोमा गम्भिर चोट लागेको छ । ‘छोरा दुर्घटना भएको सुन्ना साथ अस्पताल लगियो, टाउकोमा नराम्ररी चोट लागेको रहेछ दाइने खुट्टा पनि भाँचिएको रहेछ –घाइतेका बुवा देवीबहादुर पौड्यालले भने ‘उनको उपचारमा २० लाख बढी सक्किसक्यो, अव उपचार गराउने पैसा समेत छैन ।’

विर्तामोड स्थित कन्काई कलेजबाट कक्षा १२ को परीक्षा दिएका भुवनलाई बचाइदिन परिवारजनले सबैसँग अपिल गरेको छ । घाइतेका वुवा देवीबहादुरले छोराको अवस्थाले परिवारमा आशुँको सागर बगेपनि उपचार खर्च जुटाउनु पर्ने बाध्यात्मक अवस्थाका कारण आफू गम्भिर संकटमा परेको बताएका छन् । ३ सन्तान मध्ये जेठा छोरा अस्पतालको शैयामा मृत्युसँग जुधिरहँदा परिवारमा भने संनाटा छाएको छ । अस्पतालले छोराको स्वास्थ्यमा सुधार आएको बताए पनि आर्थिक अभावले थप उपचार गराउन नसक्ने अवस्थामा आफूहरु पुगेको भन्दै घाइतेका बुबा देवीबहादुरले भाव विव्वल हुँदै सबैसँग सहयोगको अपिल गरेका छन् ।

यता घाइतेका छिमेकी सेमन्त पोखरेलले पनि आर्थिक अभावका कारण छोराको उपचार गर्न सो परिवारमा पैसा नभएकाले सबैलाई सहयोग गरेर एक युवाको जिवन बचाईदिन सबैले सहयोग गर्नुपर्ने बताएका छन् ।

घाइते भुवनका बुबाले यो अवस्थामा सहयोग गर्नुहुनेलाई कहिल्यै नर्विसिने बताउँदै सहयोग गर्न अपिल गरेका छन् । उनलाई सहयोग गर्न मन हुनेले ९८१८१६०३४३ सम्पर्क गर्न सकिनेछ ।


यो खबर पढेर तपाईलाई कस्तो महसुस भयो ?

कोपिला वर्देवा, काठमाडौं ।  नवलपरासीको देवचुली नगरपालिका १५ मा रहेको श्री जनज्योती माध्यमीक विद्यालयले

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडौं । २०७४ मा भएको प्रतिनिधिसभा निर्वाचनमा नेकपा (एमाले)ले स्याङ्जाका दुवै निर्वाचन क्षेत्र जितेको