Logo
३ भाद्र २०७९, शुक्रबार
     Fri Aug 19 2022
E-paper
  English Edition
   Unicode
Logo

नेपालमा पाँच हजारभन्दा बढी प्राकृतिक ताल,हुम्लामा मात्रै तीन सय ८१ ताल



rara-tal

८ चैत, काठमाडौँ । राष्ट्रिय ताल संरक्षण विकास समितिले नेपालमा पाँच हजार तीन सय ५८ वटा प्राकृतिक ताल रहेको जनाएको छ ।

पर्यटकीय दृष्टिकोणले महत्वपूर्ण रहेका ५०० मिटर उचाइभन्दा तल दुई हजार ७१२ वटा, ५०० मिटरभन्दा माथि तीन हजार मिटरभन्दा तल्लो क्षेत्रमा ४१९ र तीन हजारभन्दामाथि उचाइका दुई हजार २२७ ताल रहेका छन् ।

समितिका अध्यक्ष नानीकाजी थापाले पोखरीभन्दा ठूला पानी जम्मा भएका ठाउँलाई तालको रुपमा वर्गीकरण गरिएको बताउनुभयो । “तालले पर्यटनको आगमनसँगै माछापालन र मनोरञ्जनमा ठूलो सहयोग पुगेको छ,”उहाँले भन्नुभयो ।

नेपालका बाँतर (सर्दार), बाह्रामुस, बोटे, दनुवार, दरै, दुसाध, झाङ्गड, केवट, सवास (राझी), खुना, कुमाल, कुसहर माझी, पोडेलगायत समूहले तालतलैयाबाट आफ्नो जीविकोपार्जन गर्दै आएका छन् । सबैभन्दा धेरै तालतलैया भएका जिल्लामध्ये हुम्लामा तीन सय ८१, ताप्लेजुङमा तीन सय ८०, कपिलबस्तुमा तीन सय ५१, सोलुखुम्बुमा तीन सय ३९, रुपन्देहीमा दुई सय ८९, बाँकेमा दुई ४३, धनुषामा दुई सय ३० तथा डोल्पामा २१० ताल रहेका तथ्याङ्क छ ।

विसं २०६३ फागुन २३ गतेको मन्त्रिपरिषद्को निर्णयअनुसार नेपालका सम्पूर्ण ताल तलैया, दह, कुन्ड, पोखरी एवम् सिमसारको संरक्षण तथा सम्बद्र्धनका लागि समितिको स्थापना भएको थियो । समितिले ताल संरक्षणका लागि सम्पूर्ण तालको तथ्याङ्क सङ्कलन गरी सरकारलाई आवश्यक परामर्श दिँदै आएको अध्यक्ष थापाले बताउनुभयो ।


यो खबर पढेर तपाईलाई कस्तो महसुस भयो ?

काठमाडौँ । वैदेशिक रोजगारीका लागि नेपाली युवा लाखौँ खर्चन बाध्य रहेको अवस्थामा मलेसियामा रहेको

दमौली । तनहुँको शुक्लागण्डकी नगरपालिका–२ कोत्रेस्थित गुहेखोलामा माछा मार्ने क्रममा करेन्ट लागेर बिहीबार बाबु–छोराको

काठमाडौं । आजको नेपाली बजारमा विदेशी मुद्राको भाउ यसप्रकार रहेकोछ । राष्ट्र बैंकको विदेशी