हामी सबैकाे संसारन्यूज

काठमाडौं । जनकपुरबाट भैरहवा जाँदै गरेको बस दुर्घटना हुँदा ९ जनाको मृत्यु भएको छ ।

जिल्लाा प्रहरी कार्यालय रुपन्देहीका अनुसार जनकपुरबाट भैरहवा जाँदै गरेको लु १ २ ख ३८४१ नम्बरको यात्रुबाहक बस बिहान ४ः४५ मा भैरहवाको रोहिणी गाउँपालिका ३ मा रहेको रोहिणी पुलबाट २० मिटर तल खस्दा बसमा सवार यात्रुमध्ये ९ जनाको मृत्यु भएको हो ।

बसमा सवार ३३ यात्रु मध्ये १५ जना गम्भीर, ९ जना मध्यम घाईतेको भिम अस्पताल र भैरहवा मेडिकलमा उपचार भइरहेको र नौ जनाको मृत्यु भएको जिल्ला प्रहरी कार्यालय रुपन्देहीका डिएसपी नवरत्न पौडेलले संसारन्युजलाई जानकारी दिएका छन् ।

‘ बसमा सवार ३३ यात्रुमध्ये १५ जना गम्भीर, ९ जना मध्यम रहेका छन् भने ९ जनाको मृत्यु भएको छ ।’ डिएसपी पौडेलले संसारन्युजसँग भने ।

घटनाको खबर हुनासाथ प्रहरी उपरीक्षक रविन्द्र रेग्मीको समन्वयमा गएको टोलीले उद्धार कार्य सम्पन्न गरिसकेको पनि डिएसपी पौडेलले बताए । पौडेलका अनुसार बस अनियन्त्रित भएर पुलमुनि खसेको प्रारम्भिक अनुसन्धानमा देखिएको छ । तस्बिर :  प्रख्यात बन्जाडे