Sansar News
काठमाडौं । सत्तारुढ गठबन्धनका शिर्ष नेताहरुको बैठक बालुवाटारमा सम्पन्न भएको छ ।
नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र जसपा अध्यक्ष उपेन्द्र यादवसहित प्रधानमन्त्री निवास बालुवाटारमा आज बिहान बसेको उक्त बैठकमा एकिकृत समाजवादीका मन्त्रीहरुको हेरफेर लगायतका विषयमा छलफल भएको बताइएको छ ।
एकिकृत समाजवादी पार्टीको आइतबार बसेको सचिवालय बैठकले हाल सरकारमा रहेका मन्त्रीहरुलाई फिर्ता बोलाएर नयाँ मन्त्रीहरुको नाम अघि सारेको थियो ।
समाजवादीले सहरी विकासमा मेटमणि चौधरी, संस्कृति पर्यटन तथा नागरिक उड्डयनमा जीवनराम श्रेष्ठ, श्रममन्त्रीमा शेरबहादुर कुँवर, स्वास्थ्यमन्त्रीमा भवानी खापुङ र स्वास्थ्य राज्यमन्त्रीमा हिरा केसीको नाम प्रधानमन्त्री शेरबहादुर देउवालाई बुझाएको थियो ।
सो पार्टीले स्वास्थ्य मन्त्रालयमा रहेका विरोध खतिवडा, पर्यटनमा प्रेमबहादुर आले, शहरी विकासमा रामकुमारी झाँक्री, श्रममा कृष्णकुमार श्रेष्ठ मन्त्री रहेका थिए । यसअघि राज्यमन्त्री रहेका खापुङलाई हाल मन्त्रीमा बढुवासहितको नाम लिस्ट पठाएको हो । file- photo
वि.सं.२०७९ जेठ २३ सोमवार ११:३८ मा प्रकाशित
