Sansar News
काठमाडौं । नेपालमा थप १६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज गरिएको ३०४९ नमुना परीक्षणमा १६ जनामा कोरोना संक्रमण पुष्टि भएको छ ।
त्यसैगरी सोहि अवधिमा ८ जना संक्रमण मुक्त भएका छन् । आज निको भएका ८ जनासँगै नेपालमा हालसम्म ९ लाख ६७ हजार १६२ जना संक्रमण मुक्त भएका छन् ।
नेपालमा हाल १०९ जना सक्रिय संक्रमित रहेका छन् । उनीहरु सबै जना होम आइसोलेसनमा रहेका छन् भने आइसीयु र भेन्टिलेटरमा उपचार गराउनेको संख्या शून्य रहेको छ ।
त्यसैगरी नेपालमा हालसम्म कोरोनाबाट ११ हजार ९५२ जनाको ज्यान गएको छ ।
त्यस्तै पछिल्लो २४ घण्टामा १ लाख १६ हजार ३८३ मात्रा कोरोनाविरुद्धको खोप लगाइएको पनि मन्त्रालयद्धारा जारी सूचनामा उल्लेख छ ।
वि.सं.२०७९ जेठ २५ बुधवार १६:४७ मा प्रकाशित
