हामी सबैकाे संसारन्यूज

काठमाडौं । मौसम पूर्वानुमान महाशाखाले आज चार प्रदेशका केही भू–भागमा वर्षाको सम्भावना रहेको जनाएको छ ।

महाशाखाले आज दिउँसो प्रदेश १, बागमती प्रदेश र गण्डकी प्रदेशका केही स्थानहरू तथा मधेश प्रदेश सहित अन्य प्रदेशका पहाडी भू–भागका थोरै स्थानहरुमा हल्का देखि मध्यम वर्षाको सम्भावना रहेको जनाएको हो ।

त्यस्तै राति पनि प्रदेश १, बागमती प्रदेश र गण्डकी प्रदेशका केही स्थानहरू तथा अन्य प्रदेशका पहाडी भू–भागहरूका थोरै स्थानहरूमा मेघ गर्जन / चट्याङ्ग सहित हल्का देखि मध्यम वर्षाको सम्भावना रहेको छ।

त्यस्तै आगामी ३ दिन प्रमुख नदीमा बहाव सतर्कता तह भन्दा तलै रहने हुनाले नदीतटिय क्षेत्रका कार्य सजगता अपनाउन बाढी पूर्वानुमान महाशाखाले अनुरोध गरेको छ ।

महाशाखाले आज ईलाम, पाँचथर, तेह्रथुम, संखुवासभा,तनहुँ, लमजुङ, गोरखा र आसपास भई बहने केही स–साना नदीहरुमा आकस्मिक वहाव बढ्न सक्ने जनाएको छ ।