Sansar News
काठमाडौं । प्रधानमन्त्री शेरबहादुर देउवाले मन्त्रिपरिषद्को पुनर्गठन गरेका छन् ।
प्रधानमन्त्री देउवाले आइतबार बेलुका नेकपा (एकिकृत समाजवादी) का मन्त्रीहरुको हेरफेर गरेका छन् ।
जसमा समाजवादी पार्टीका तर्फबाट नेताहरु जीवनराम श्रेष्ठ संस्कृति पर्यटन तथा नागरिक उड्डयनमन्त्री, शहरी विकास मन्त्रीमा मेटमणि चौधरी, स्वास्थ्य तथा जनसंख्या मन्त्रीमा भवानी खापुङ, श्रम, रोजगार तथा सामाजिक सुरक्षामन्त्रीमा शेरबहादुर कुँवर र स्वास्थ्य तथा जनसंख्या राज्यमन्त्रीमा हीरा केसीलाई नियुक्त गरिएको हो ।
आइतबार दिउसो नेकपा एसका प्रेम आले, रामकुमारी झाक्री, बिरोध खतिवडा र किसान श्रेष्ठले राजीनामा दिएपछि प्रधानमन्त्री देउवाले उनीहरुको ठाउँमा चौधरी, खापुङ, श्रेष्ठ र कुँवरलाई मन्त्री तथा केसीलाई राज्यमन्त्रीमा नियुक्त गरेका हुन् ।
राष्ट्रपति कार्यालयले आइतबार साँझ मन्त्रिपरिषद् पुनर्गठन गरिएको एक विज्ञप्तिमार्फत् जानकारी दिएको छ ।
नेकपा एसले गत जेठ २२ गते पार्टीका तर्फबाट सरकारमा रहेका मन्त्रीहरुलाई फिर्ता बोलाएर पार्टीका अन्य नेताहरुलाई मन्त्री बनाउने निर्णय गरे पनि उक्त निर्णय कार्यान्वयन हुन झण्डै २२ दिननै लागेको छ ।
वि.सं.२०७९ असार १२ आइतवार २०:४६ मा प्रकाशित
