Logo
३१ श्रावण २०७९, मंगलवार
     Tue Aug 16 2022
E-paper
  English Edition
   Unicode
Logo

सरकारले अमेरिकालाई पठायो एसपीपी अस्वीकार गरिएको पत्र



काठमाडौं । सरकारले अमेरिकाको स्टेट पार्टनरसीप प्रोग्राम (एसपीपी) अस्वीकार गरिएको निर्णय अमेरिकालाई पठाएको छ । एसपीपी अस्वीकार गर्ने गत असार ६ को मन्त्रिपरिषद्को निर्णयअनुसार सरकारले पत्र पठाएको हो ।

सोमबार गृहमन्त्री बालकृष्ण खाँणले राष्ट्रिय सभाको बैठकलाई सम्बोधन गर्ने क्रममा परराष्ट्र मन्त्रालयमार्फत अमेरिकी सरकारलाई पत्र पठाइएको जानकारी दिएका थिए ।

“अमेरिकी सेना र नेपाली सेनाको बीचमा सहयोग आदान–प्रदान कार्यक्रम हुन्छ कि भन्ने देशभरि एउटा चर्चाको प्रसंग थियो र सदनमा पनि यो गम्भीरतापूर्वक छलफल र बहसमा आएको थियो”, राष्ट्रिय सभाको बैठकलाई सम्बोधन गर्दै गृहमन्त्री खाँणले भनेका छन्, “मन्त्रिपरिषद्ले नै यो स्टेट पार्टनरसीप प्रोग्रामलाई अगाडि बढाइने छैन भन्ने निर्णय गरेको छ । त्यो निर्णय हामीले परराष्ट्र मन्त्रालयमार्फत अमेरिकालाई पठाएका छौं ।”

तत्कालिन प्रधान सेनापति राजेन्द्र क्षेत्रीले अमेरिकी सैन्य कार्यक्रम एसपीपीमा सहभागिताका लागि सन् २०१५ मा पहिलो पटक अमेरिकी सरकारलाई पत्र लेखेका थिए । जुन पत्रअनुसार अमेरिकाले एसपीपीमा आबद्ध नगराएपछि सेनाले पुनः २०१७ मा अर्को पत्र लेखेको थियो । तत्कालिन केपी शर्मा ओली नेतृत्वको सरकारसँगको समन्वयमा सेनाले अमेरिकालाई पत्र लेखेको थियो ।

एपपीपीमा आबद्ध हुन पत्र लेखेको झण्डै ४ वर्षपछि सन् २०१९ मा मात्रै नेपालको निवेदनलाई अमेरिकाले स्वीकार गरेको थियो । पछिल्लो पटक अमेरिकी सेनाको एसिया–प्रशान्त क्षेत्र प्रमुख जनरल चाल्स एन्थोनी फ्लिन नेपाल आएसँगै उक्त विषयमाथि चर्चा भएको थियो । चौतर्फी विरोध भएपछि सरकारले औपचारिक रुपमै एसपीपी अस्वीकारको निर्णय गरेको हो ।


यो खबर पढेर तपाईलाई कस्तो महसुस भयो ?

काठमाडौं । सरकारले कर्मचारीदेखि शिक्षकसम्मको नयाँ तलबमान लागु गर्ने निर्णय गरेको छ । साउन

काठमाडौं । नेपाली बजारमा सुनको भाउ निरन्तर उतार–चढाव आइरहेको छ । नेपाल सुनचाँदी व्यवसायी

काठमाडौं । नेकपा (माओवादी केन्द्र)सँगै मिलेर चुनाव लड्ने निर्णय गरेसँगै नेपाल समाजवादी पार्टीका नेता