Sansar News
काठमाडौं । नेपालमा केही दिनयता कोरोना संक्रमितको संख्या बढ्न थालेको छ । मंगलबार ३११२ नमुना परक्षिणमा ९० जनामा संक्रमण देखिएकोमा बुधबार भने त्यसको सख्या बढेर ११३ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २७२४ नमुना परीक्षणमा ११३ जनामा संक्रमण पुष्टि भएको हो । आज थपिएका ११३ जनासंगै नेपालमा हालसम्म ९ लाख ७९ हजार ९९८ जना संक्रमित भइसकेका छन् । साथै आज निको भएका २० जनासँगै नेपालमा हालसम्म निको हुनेको संख्या ९ लाख ६७ हजार ५७५ पुगेको छ ।
सोहि अवधिमा कोरोना संक्रमणबाट ११ हजार ९५२ जनाले ज्यान गुमाएको स्वास्थ्य मन्त्रालयद्धारा जारी विवरणमा उल्लेख छ ।
त्यस्तै नेपालमा हाल सक्रिय संक्रमितको संख्या ४७४ पुगेको छ । ती मध्ये होम आइसोलेशनमा ४६९, संस्थागत आइसोलेशनमा २, आइसीयुमा २ र १ जनाको भेन्टिलेटरमा उपचार भइरहेको छ ।
त्यस्तै पछिल्लो २४ घण्टामा ९४ हजार ४० मात्रा कोरोनाविरुद्धको खोप लगाएका छन् ।
बढ्न थाल्याे काेराेना संक्रमण : एकैदिन ९० जनामा संक्रमण पुष्टि
वि.सं.२०७९ असार २२ बुधवार १७:२८ मा प्रकाशित
