हामी सबैकाे संसारन्यूज

काठमाडौं । नेकपा (माओवादी केन्द्र)को केन्द्रीय समिति बैठक प्रज्ञा भवन काठमाडौंमा जारी छ । आजको बैठकबाटै पोलिटब्यूरो, स्थायी समिति र पदाधिकारी टुंगो लगाउने तयारी छ । पार्टी अध्यक्ष पुष्पकमल दाहाल ‘प्रचण्ड’ले पदाधिकारीको नाम प्रस्ताव गर्ने विषयमा यसअघि नै सहमति भएको थियो ।

माओवादीभित्र उपाध्यक्षमा नारायणकाजी श्रेष्ठ निश्चित भएतापनि महासचिवलगायत अन्य पदाधिकारी चयनको केही सकसपूर्णं देखिन्छ । मुख्यतः एक पद मात्र रहेको महासचिवमा वर्षमान पुन र जनार्दन शर्मा दुवैले दाबेदारी प्रस्तुत गरेका छन् । पूर्वस्थायी समिति बैठकले सकेसम्म दुईबीचमा सहमति जुटाउने नसके विकल्प पनि खोज्ने सहमति दिएको थियो । बैठकले तेस्रो विकल्पका रुपमा उपयुक्त पात्रलाई ल्याउन सक्ने अवसर पनि अध्यक्षलाई दिएको छ ।

माओवादीभित्र महासचिवमा जनार्दन र वर्षमानसँगै पम्फा भुसाल, शक्ति बस्नेत र कृष्णबहादुर महराको चर्चा पनि छ ।

यता, महासचिव पद नदिएमा सचिवमा पम्फा भुषालको नाम निश्चित छ । सचिवमा उनीसँगै गिरीराजमणी पोखरेल, देवप्रसाद गुरुङ, लिलामणी पोखरेलको नाम अघि सार्ने सम्भावना देखिएको । कोषाध्यक्षमा भने हरिबोल गजुरेलले दोहोरिन सक्ने सम्भावना छ ।

माओवादी केन्द्रको विधानअनुसार १५ सदस्यीय पदाधिकारी चयन गर्न पाउने अधिकार भए पनि आवश्यक्ताअनुसार थप गर्न सक्ने अधिकार केन्द्रिय समितिलाई दिएकाले पदाधिकारी १५ भन्दा बढी हुन सक्ने आंकलन गरिएको छ । यद्धपी, प्रचण्डले सहमतिका आधारमा आजको बैठकमा नाम पेश गरे केन्द्रिय समितिको तेस्रो केन्द्रिय समितिको पुर्ण बैठकबाट ५ महिना भन्दा बढी समय रिक्त रहेको पदाधिकारी टुंगो लाग्नेछ ।

महासचिव टुंगो लगाएर जान नसकेको खण्डमा पोलिटब्युरो र स्थायी कमिटी सदस्य चयन गरेर अघि बढने योजनामा माओवादीभित्र छ ।