Sansar News
काठमाडौं । नेपाल उद्योग वाणिज्य महासंघका अध्यक्ष शेखर गोल्छाले तरलता अभावले ऋण प्रवाह नहुँदा अर्थतन्त्र अप्ठेरोमा रहेको बताएका छन् । महासंघले आयोजना गरेको कार्यक्रममा बोल्दै अध्यक्ष गोल्छाले यस्तो बताएका हुन् ।
अध्यक्ष गोल्छाले तरलताको चु्नौतीका कारण साना व्यवसायी अप्ठेरोमा रहेको बताए । उनले व्यवसायीलाई राहत पुग्ने खालको मौद्रिक नीति ल्याउनु पर्ने धारणा राख्दै डलरको दर, पेट्रोलियम बढ्दो मुल्य, ब्याज दरका कारण मूल्यवृद्धि माथी पुगेको बताए ।
अध्यक्ष गोल्छाले राष्ट्र बैंकबाट केहि करेक्टिभ मिजर्स लिनु पर्ने बताए । उनले व्याज दर कमबाट माथी पुगेको बताउदै धान्न नसक्ने खालको भएको बताए । अध्यक्ष गोल्छाले बैंकहरुले कायम गर्नुपर्ने तरलता अनुपात घटाउन सुझाव दिए । उनले अनुत्पादक क्षेत्रमा जाने ऋणलाई रोक्दा राजस्व प्रभावित हुने भन्दै सन्तुलित नीति लिन सरकारलाई आग्रह गरेका छन्् ।
अध्यक्ष गोल्छाले शतप्रतिशत मार्जिनलाई पुनर्विचार गर्न भन्दै यसबाट बैंकहरु मात्र लाभान्वित भएको बताए । उनले यस्तो निर्णय वाणिज्य मन्त्रालयलाई गर्न दिनु पर्ने बताए ।
वि.सं.२०७९ असार २६ आइतवार १७:२९ मा प्रकाशित
