हामी सबैकाे संसारन्यूज

काठमाडौं । निर्वाचन आयोगले आठ जिल्लामा अनलाइनबाटै मतदाता नामावली फारम भर्ने व्यवस्था मिलाएको छ ।

आयोगका प्रवक्ता शालिग्राम शर्मा पौडेलका अनुसार आयोगले काठमाडौँ, ललितपुर, भक्तपुर, काभ्रे, चितवन, कास्की, मोरङ र झापा जिल्लाका निर्वाचन कार्यालयबाट फारम भर्ने व्यवस्था मिलाएको हो ।

त्यसैगरी ती कार्यालयमा कार्यालय समयमा औँठाको छाप र फोटो लिने व्यवस्था मिलाईएको समेत बताइएको छ ।

आयोगले असार २९ गतेबाट सुरु गर्ने गरी काठमाडौं, भक्तपुर, ललितपुर जिल्लामा अनलाइनमार्फत् मतदाता नामावली फारम भर्न मिल्ने व्यवस्था गरेकोमा मंगलबारदेखि काभ्रेपलान्चोक, चितवन, कास्की, मोरङ र झापा गरी थप पाँच जिल्लामा समेत अनलाइन फारम भर्ने व्यवस्था गरेको हो ।