Sansar News
काठमाडौं । नेपाल राष्ट्र बैंकले आज (शुक्रबार) आर्थिक वर्ष ०७९/८० को मौद्रिक नीति शुक्रबार सार्वजनिक गर्दैछ ।
त्यसअघि बिहान राष्ट्र बैंकको सञ्चालक समितिको बैठकले मौद्रिक नीति पारित गर्नेछ ।
आज बिहान ८ बजे बस्ने सञ्चालक समितिको बैठकले मौद्रिक नीति पारित गरेपछि आजै बेलुका ४ बजे पत्रकार सम्मेलन गरेर सार्वजनिक गरिने रहेको राष्ट्र बैंकका प्रवक्ता गुणाकर भट्टले बताएका छन् ।
राष्ट्र बैंकका गभर्नर महाप्रसाद अधिकारीले बिहीबार अर्थमन्त्रालय समेत सम्हालिरहेका प्रधानमन्त्री शेरबहादुर देउवालाई भेटर मौद्रिक नीतिका बारेमा ब्रिफिङ गरेका थिए ।
वि.सं.२०७९ साउन ६ शुक्रवार ०९:४५ मा प्रकाशित
