हामी सबैकाे संसारन्यूज

काठमाडौं । नेकपा (माओवादी केन्द्र)ले अंगीकृत नागरिकताको विषयमा राख्दै आएको आफ्नो अडान छाडेको हो । माओवादी केन्द्रले नागरिकता ऐन २०६३ लाई संशोधन गर्न बनेको विधेयकमाथि राख्दै आएको अडान छाडेको हो ।

नागरिकता ऐन २०६३ मा विदेशी नागरिकता त्याग्न चाहेको निस्सा र नेपालीसँग विवाह गरेको प्रमाणका आधारमा वैवाहिक अंगीकृत नागरिकता पाउने प्रावधान छ । तर, उक्त प्रावधानलाई माओवादी केन्द्रले खुकुलो भएको भन्दै निश्चित अवधि बसोबास गरेपछि मात्रै नागरिकता लिने व्यवस्था गर्नुपर्ने बताउँदै आएको थियो ।

तत्कालिन नेपाल कम्युनिष्ट पार्टी (नेकपा)ले वैवाहिक अंगीकृत नागरिकताको सन्दर्भमा विवाह गरेर आएर निरन्तर ७ वर्षसम्म बसोबास गरेपछि मात्र जारी गर्ने र नागरिकता प्राप्त गरेपनि राजनीतिक अधिकार नपाउने निर्णय गरेको थियो । नेकपाकै निर्णयको कारण तत्कालिन समय नागरिक विधेयक पारित हुन सकेको थिएन ।

तर, तत्कालिन नेकपाबाट विभाजित भएर बनेको माओवादी केन्द्रले उक्त प्रावधानमा आफ्नो अडान छाडेको हो । जसको कारण पुनः खुकुलो व्यवस्थासहितको नागरिकता विधेयक पारित हुने अवस्था बनेको छ ।