हामी सबैकाे संसारन्यूज

काठमाडौं । नेपालमा थप ६२० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज गरिएको ५ हजार ८४६ नमुना परीक्षणमा ६२० जना कोरोना संक्रमित थपिएका हुन् ।

आज थपिएका ६२० जनासँगै नेपालमा हालसम्म कोरोना संक्रमित हुनेको संख्या ९ लाख ८६ हजार ५९६ पुगेको छ ।
त्यसैगरी आज निको भएका २९७ जनासँगै नेपालमा हालसम्म कोरोना संक्रमणबाट निको हुनेको संख्या ९ लाख ७० हजार ६२ पुगेको छ ।

त्यस्तै आज १ जना कोरोना संक्रमितको मृत्यु भएको छ । आज १ जनाले ज्यान गुमाएसँगै नेपालमा हालसम्म कोरोनाबाट ज्यान गुमाउनेको संख्या ११ हजार ९६७ पुगेको छ ।

त्यस्तै नेपालमा हाल ४ हजार ५६७ जना कोरोनाका सक्रिय संक्रमित रहेका छन् । ती मध्ये ४ हजार ४२४ जना होम आइसोलेशनमा, १४३ जना संस्थागत आइसोलेशनमा, ३३ जना आइसीयुमा र ५ जनाको भेन्टिलेटरमा उपचार भइरहेको छ ।

त्यसैगरी पछिल्लो २४ घण्टामा २५ हजार ४३६ मात्रा कोरोना भाइरसविरुद्धको खोप लगाइएको छ ।