हामी सबैकाे संसारन्यूज

काठमाडौं । नेपाल क्रेडिट एण्ड कमर्स बैंकले २६ लाख ३१ हजार १३६ कित्ता संस्थापकतर्फको शेयर बिक्री गर्ने भएको छ । सो शेयर बैंकले सिलबन्दी बोलकबोलमार्फत बिक्री गर्ने जनाएको हो ।

इच्छुक संस्था वा व्यक्ति जो कोहीले उक्त बोलकबोलमा भाग लिन सक्नेछन् । विद्यमान संस्थापक सेयरधनी पनि बोलकबोलमा सहभागी भएर बोलपत्र आवेदन बुझाउन सक्नेछन् ।

शेयरको न्युनतम मूल्य बैंकले १३१ रुपैयाँ तोकेको छ । तोकिएको मूल्यभन्दा कम मूल्य राखेर आवेदन दिन पाइने छैन । यस्तै, न्युनतम एक हजार कित्ताका लागि बोलकबोल पेस गर्नु पर्ने बताइएको छ । बैंकले अधिकतम सम्पूर्ण कित्ताका लागि आवेदन दिन सकिने जनाएको छ ।

बैंकले आइतबारदेखि सिलबन्दी बोलकबोलका लागि आवेदन खुला गरेको हो । बोलकबोलमा साउन २२ गतेसम्म आवेदन पेस गर्नु पर्ने बताइएको छ । बोलपत्र फाराम बैंकको बिक्री प्रबन्धक सनराइज क्यापिटलबाट प्राप्त गर्न सकिनेछ बैंकले जनाएको छ ।

एनसीसी बैंकको खुद नाफा ५१.९८ प्रतिशतले वृद्धि