हामी सबैकाे संसारन्यूज

गजल र सालैजोमा आफ्नो छुत्तै पहिचान बनाएका गजल गायक तथा संगीतकार थानिश्वोर गौतमले हालै अली फरक खालको कर्णप्रिय गीत लिएर स्रोता सामु आएका छन। उक्त गितको रचना युकेमा बस्दै आएका कमल पि खरेलले गरेका हुन भने संगीत स्वयम गौतमले गरेका छन।

गितको बारेमा गौतम ले आफु धेरै आशाबादी रहेको र बिगतमा जस्तै स्रोताले यस गीतलाई पनि मन पराउने कुरामा बिश्वस्त भएको बताउछन। बिगतका गितले दर्शक र स्रोता लाई छमछमी नचाहेको तर यस गितले सबैलाई भाबुक बनाउने हुँदा उनी आफ्ना अरु गीत भन्दा अली फरक रहेको बताउछन।

उक्त गितको म्युजिक भिडियो लाई हाइलाइट नेपाल र टी एन क्रिएशनले संयुक्त रुपमा बजारमा ल्याएको छ भने भिडियोको निर्देशन रोजेल थापाले गर्नुभएको छ। अभिनयमा नारायण ढकाल, क्रिस्टीना थापा, बाल कलाकार समीट गौतम तथा स्वयम गीतकार कमल पि खरेल रहेका छन भने छायांकन रामेश्वर कार्कीले गरेका छन। भिडियोको छायान्कन यु के र नेपालमा गरिएको छ।