हामी सबैकाे संसारन्यूज

काठमाडौं । सरकारले प्रतिनिधि र प्रदेशसभाको चुनाव एकै चरणमा गर्ने गरी मिति घोषणाको तयारी गरेको छ । आज बस्ने मन्त्रिपरिषद्को बैठकले चुनावको मिति घोषणा गर्न सक्ने सम्भावना छ ।

यसअघि सत्ता गठबन्धनको बुधबारै बसेको बैठकले आगामी मंसिर ४ गते प्रदेश र प्रतिनिधिसभा सदस्यको निर्वाचन गर्ने सहमति गरेको थियो । त्यस सहमतिका आधारमा प्रधानमन्त्री शेरबहादुर देउवाले मन्त्रीपरिषद् बैठकमार्फत प्रदेश र संघको निर्वाचन तोक्नेसक्ने एक मन्त्रीले जानकारी दिएका छन् ।

बैठक दिउँसो १ बजेदेखि बस्दैछ ।

निर्वाचन आयोगले भने मंसिर २ गते चुनाव गर्न सिफारिस गरेको थियो । आयोगले १२० दिनको समयसीमा राखेर मिति ताेक्न सिफारिस गरेकाे थियाे । तर, सरकारले १०७ दिनको अवधि राखेर मंसिर ४ गतेका लागि निर्वाचनको मिति तोक्ने तयारी गरेको छ ।