Sansar News
काठमाडाैं । सरकारले प्रदेश र प्रतिनिधि सभा निर्वाचन मंसिर ४ गते गर्ने निर्णय गरेको छ ।
बिहीबार बसेको मन्त्रिपरिषद्को बैठकले आगामी २०७९ साल मंसिर ४ गते आइतबार एकैचरणमा प्रतिनिधिसभा र प्रदेश सभाको निर्वाचन गर्ने निर्णय गरेको सरकारका प्रवक्ता ज्ञानेन्द्रबहादुर कार्कीले जानकारी दिए ।
यसअघि सत्ता गठबन्धनको बुधबारै बसेको बैठकले आगामी मंसिर ४ गते प्रदेश र प्रतिनिधिसभा सदस्यको निर्वाचन गर्ने सहमति गरेको थियो ।
निर्वाचन आयोगले भने मंसिर २ गते चुनाव गर्न सिफारिस गरेको थियो । आयोगले १२० दिनको समयसीमा राखेर मिति ताेक्न सिफारिस गरेकाे थियाे । तर, सरकारले १०७ दिनको अवधि राखेर मंसिर ४ गतेका लागि निर्वाचनको मिति ताेकेकाे हाे ।
सम्बन्धित समाचार
वि.सं.२०७९ साउन १९ बिहीवार १४:३६ मा प्रकाशित
