Sansar News
काठमाडौं । माछापुच्छ्रे बैंकले काठमाडौंको सुकेधारास्थित नवटोल सुधार समितिले संचालन गरेको पुस्तकालय तथा जेष्ठ नागरिक मिलन केन्द्रलाई कुर्सी प्रदान गरेको छ। बैंकले नयाँ कोलोनी सुकेधारामा रहेको पुस्तकालय तथा जेष्ठ नागरिक मिलन केन्द्रका लागि २५ थान कुर्सी हस्तान्तरण गरेको हो।
नवटोल सुधार समितिले आयोजना गरेको कार्यक्रममा माछापुच्छ्रे बैंक सञ्चालक समितिका सदस्य जय मुकुन्द खनाल, हरिभक्त सिग्देल र बैंकका दायित्व व्यवस्थापन तथा बाह्य मामिला नायब प्रमुख प्रतिमा पाण्डेले उक्त सामाग्री नवटोल सुधार समितिलाई हस्तान्तरण गरेका थिए।
बैंकले संस्थागत सामाजिक उत्तरदायित्व अन्तर्गत जेष्ठ नागरिकको सुविधाको लागि पुस्तकालयलाई उक्त कुर्सी प्रदान गरेको जनाएको छ। बैंकले आफ्नो संस्थागत सामाजिक उत्तरदायित्व अन्तर्गत यसअघि पनि विभिन्न संघ सस्थाहरुलाई सहयोग गर्दै आएको जनाएको छ।
बैंकले हाल देशका ७ वटै प्रदेशमा एकसय ६५ शाखा, ९ एक्सटेन्सन काउन्टर, एकसय ६७ शाखारहित बैंकिङ सेवा, दुईसय ७ एटिएम मार्फत बैंकिङ सेवा दिइरहेको जनाएको छ।
वि.सं.२०७९ साउन २३ सोमवार १३:२६ मा प्रकाशित
