Sansar News
काठमाडौं । नेपालमा पछिल्लो २४ घण्टामा ९३४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५,३५१ नमुना परीक्षणमा ९३४ जनामा संक्रमण पुष्टि भएको हो ।
आज थपिएका ९३४ जनासँगै नेपालमा कोरोनाबाट संक्रमित हुनेको संख्या ९ लाख ९० हजार ६२५ पुगेको छ ।
त्यसैगरी पछिल्लो २४ घण्टामा निको भएका ४७० जनासँगै हालसम्म निको हुनेको संख्या ९ लाख ७२ हजार ९६७ पुगेको छ ।
त्यस्तै आज कोरोना संक्रमणबाट १ जनाको मृत्यु भएको छ । नेपालमा हालसम्म कोरोनाबाट ज्यान गुमाउनेको संख्या ११ हजार ९७२ पुगेको छ ।
त्यसैगरी हाल नेपालमा पाँच हजार ५ हजार ६८६ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ५ हजार ५०९, संस्थागत आइसोलेसनमा १७७, आइसीयुमा ४७ जनाको उपचार भइरहेको छ भने भेन्टिलेटरमा ३ जनाको उपचार भइरहेको छ ।
त्यसैगरी पछिल्लो २४ घण्टामा ३२ हजार ५३४ मात्रा कोरोनाविरुद्धको खोप लगाइएको छ ।
वि.सं.२०७९ साउन २३ सोमवार १६:३१ मा प्रकाशित
