Sansar News
काठमाडौं । नेपालमा पछिल्लो २४ घण्टामा ५५३ जनामा कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ३,७८९ नमुना परीक्षणमा ५५३ जनामा संक्रमण पुष्टि भएको हो ।
आज थपिएका ५५३ जनासँगै नेपालमा कोरोनाबाट संक्रमित हुनेको संख्या ९ लाख ९० हजार १२७ पुगेको छ ।
त्यसैगरी पछिल्लो २४ घण्टामा निको भएका ४३३ जनासँगै हालसम्म निको हुनेको संख्या ९ लाख ७२ हजार ४९७ पुगेको छ ।
त्यस्तै आज कोरोना संक्रमणबाट मृत्यु हुनेको संख्या शून्य रहेको छ । नेपालमा हालसम्म कोरोनाबाट ज्यान गुमाउनेको संख्या ११ हजार ९७१ रहेको छ ।
त्यसैगरी हाल नेपालमा पाँच हजार ५ हजार ६५९ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ५ हजार ५०७, संस्थागत आइसोलेसनमा १५२, आइसीयुमा ४५ जनाको उपचार भइरहेको छ भने भेन्टिलेटरमा ३ जनाको उपचार भइरहेको छ ।
त्यसैगरी पछिल्लो २४ घण्टामा २० हजार ६६६ मात्रा कोरोनाविरुद्धको खोप लगाइएको छ ।
वि.सं.२०७९ साउन २२ आइतवार १६:४१ मा प्रकाशित
