हामी सबैकाे संसारन्यूज

काठमाडौं । आइएमई जनरल इन्स्योरेन्स कम्पनीको प्रमुख कर्याकारी अधिकृतमा युगेशभक्त बादे श्रेष्ठ पुनः नियुक्त भएका छन् । कम्पनी संचालक समितिको गत असार ७ गते बसेको १२० औं बैठकले प्रमुख कार्यकारी अधिकृत पदमा श्रेष्ठलाई हिजो साउन २३गते देखि लागु हुने गरी दोश्रो कार्यकालको लागि पुनः नियुक्त गरेको हो ।

कम्पनीका प्रमुख कर्याकारी अधिकृत श्रेष्ठ २७ बर्ष देखि निर्जीवन बीमा क्षेत्रमा कार्यरत छन् । बीमा क्षेत्रलाई नै आफ्नो कर्मथलो बनाएर यही क्षेत्रको विकासमा निरन्त्रर लागेका श्रेष्ठको नेतृत्वमा करिब ७ बर्षमा आर्ईएमई जनरल इन्स्योरेन्सले उल्लेख्य प्रगती हासिल गर्न सफल भएको छ ।

सोही अवसरमा कम्पनीको संचालक समितिका अध्यक्ष हेमराज ढकालले कम्पनीको प्रमुख कार्यकारी अधिकृते श्रेष्ठ दोश्रो कार्यकालको लागि पुनःनियुक्त भएकोमा बधाई तथा सफल कार्यकालको शुभकामना दिए । कार्यकारी अधिकृतको सफथ लिँदै श्रेष्ठले आफनो कार्यकालमा आइएमई जनरल इन्स्योरेन्सलाई उत्कृष्ठ कम्पनीको रुपमा स्थापित गर्ने प्रतिवद्धता व्यक्त गरेका छन् ।