हामी सबैकाे संसारन्यूज

काठमाडौं । नेपाली कांग्रेसकी नेतृ सिर्जना सिहले गठबन्धनले अन्यौल बाहेक अरु केही गर्न नसक्ने टिप्पणी गरेकी छन् ।

नेतृ सिंहले गत बैसाखमा सम्पन्न स्थानीय तह निर्वाचनमा आफैले देखेको र भोगेको भन्दै आगमी निर्वाचनमा तालमेल नगरी गठबन्धनभित्रका दलले आ–आफ्नै चुनाव चिन्ह लिएर उम्मेदवार पनि आफ्नै उठाउनु पर्ने बताएकी छन् ।

‘स्थानीय चूनावमा देखेको भोगेको गठवन्धनले अन्यौल र अस्तव्यस्त बाहेक केहि गर्दैन ।’

नेपाली कांग्रेसलाई सुझाव भन्दै नेतृ सिंहले ट्विटरमा लेखेकी छन् –‘राजनीतिक कुरा गर्न मन लाग्यो । आउदै गरेको संसदीय चूनावमा आ–आफ्नो पार्टी आफ्नै चूनाव चिन्ह र गठबन्धन नगरी सबैले आ–आफ्ना उम्मेदवार उठाउने बरू बहुमत नआए गठवन्धन गर्दा हुन्छ । स्थानीय चूनावमा देखेको भोगेको गठवन्धनले अन्यौल र अस्तव्यस्त बाहेक केहि गर्दैन ।’

आगामी प्रदेश सभा तथा प्रतिनिधिसभाको निर्वाचनका लागि गठबन्धनभित्रका दलहरुले तालमेल गरेर जाने निर्णय गर्दै सिट बाँडफाँटको छलफलमा रहेका बेला नेतृ सिंहले यस्तो टिप्पणी गरेकी हुन् ।

नेतृ सिंह गत स्थानीयतहको निर्वाचनमा काठमाडौं महानगरपालिकाको प्रमुुखका लागि चुनावी प्रतिश्पर्धामा उत्रिएकी थिइन् ।