Sansar News
काठमाडौं । काठमाडौं महानगरपालिकाका मेयर बालेन्द्र साहले अस्पतालमा उपचाररत निहारिका राजपुतलाई भेटेका छन् ।
शुक्रबार शितलनिवास अगाडि आत्मदाहको प्रयास गरेकी निहारिकालाई प्रहरीले उद्धार गरेर उपचारका लागि टिचिङ अस्पताल लगेको थियो ।
अस्पतालमा उपचाररत निहारिकालाई भेटेका साहले निहारिकासँगको तस्बिर सामाजिक संजालमा सार्वजनिक गर्दै लेखेका छन्–आफ्नो बच्चाको डिएनए टेस्ट गरिदे मात्रै त भनेको रैछ । यति गर्न एउटी आमाले जल्न तयार हुनु पर्ने ? यो अत्ति हो । यो अत्याचार हो । कानुनीराज्य यस्तो हुँदैन । अभिभावक भनिने राज्य यस्तो हुनु हुँदैन ।’
वि.सं.२०७९ साउन २८ शनिवार १७:१६ मा प्रकाशित
