हामी सबैकाे संसारन्यूज

काठमाडौं । धरान उपमहानरपालिकाका मेयर हर्क साम्पाङले काठमाडौंको फोहोर देखेर काठमाडौं भन्दा धरानै सफा लागेको बताएका छन् ।

केही दिनका लागि काठमाडौं आएका मेयर साम्पाङले प्रधानमन्त्री र मन्त्रीहरु बस्ने काठमाडौं शहरको विजोग देख्दा आफुलाई श्रमदान गर्न मन लागेको सामाजिक संजालमा लेखेका छन् ।

‘काठ्माण्डौँको चिल्ला र फराकिला सडक किनारामा फोहोरको डँगुर देख्दा त खाल्डा खुल्डी बाटो भए पनि धरानै सफा लागो ! प्रधानमन्त्री र मन्त्रीहरु बस्ने शहरको यो विजोग देख्दा श्रमदान गर्न मन लाग्यो !’

धरान उपमहानगरको मेयरमा निर्वाचित भए लगत्तै धराने जनतालाई पानी खुवाउने अभियानमा शसक्त रुपमा लागिरहेका मेयर साम्पाङ धराने जनतालाई नै सहभागी गराएका विभिन्न अभियानमा लागिरहेका छन् ।