Sansar News
काठमाडौं । सेन्चुरी कमर्शियल बैंकका संचालक रमेश कुमार निरौलाले पदबाट राजिनामा दिएका छन् । विहिबार (साउन २६ गते) बसेको संचालक समितिको बैठकले निरौलाको राजिनामा स्वीकृत गरेको हो ।
सेन्चुरी बैंक हाल प्रभु बैंकमा गाभिने प्रक्रियामा रहेको छ । मर्जर तथा प्राप्तिको लागि १ः१ को प्रारम्भिक स्वाप तय भएको छ । अन्तिम स्वाप भने डिडिए रिपोर्ट अनुसार तय हुने बताईएको छ ।
त्यस्तै मर्जरपछि बन्ने बैंकको संचालक समितिमा प्रभु बैंकका ४ संचालक रहने छन् भने सेन्चुरी बैंकबाट ३ संचालक रहने छन् । सीइओमा हालका प्रभु बैंकका सीइओले नै निरन्तरता पाउने छन् भने हालका सेन्चुरी बैंकका सीइओ मर्जरपछि बन्ने बैंकमा डेपुटी सीइओ रहने छन् ।
नेपाल राष्ट्र बैंकले बैंक तथा वित्तीय संस्थाहरु आगामी पुस मसान्तसम्म मर्जमा गए राष्ट्र बैंकले तोकेको छुट पाउने ब्यबस्था गरेको छ । नेपाल राष्ट्र बैंकले आर्थिक वर्ष ७९/८० को मौद्रिक नीति सार्वजनिक गर्दै पुस मसान्तसम्म मर्जमा गए राष्ट्र बैंकले तोकेको छुट पाउने ब्यबस्था गरेको हो ।
वि.सं.२०७९ साउन २९ आइतवार १३:३१ मा प्रकाशित
