हामी सबैकाे संसारन्यूज

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाल समाजवादी पार्टीका अध्यक्ष डा। बाबुराम भट्टराईबीच आज दोस्रोपटक वार्ता भएको छ ।

आइतबार बिहान प्रचण्डलाई भेट्न खुमलटार पुगेका बाबुराम र प्रचण्डबीच भएको छलफलमा बावुरामलाई पाँचदलीय गठबन्धनमा सहभागी गराउने प्रचण्डले प्रतिबद्धता गरेको बताइएको छ ।

स्रोतका अनुसार उक्त छलफलमा बाबुरामले आगामी संघ र प्रदेशसभाको निर्वाचनमा माओवादी केन्द्रकै चुनाव चिन्ह लिएर चुनाव लड्ने सहमति नजिक पुगेसँगै गठबन्धनमा सहभागी बनाउने प्रतिबद्धता प्रचण्डले गरेको बताइएको छ ।

गत बिहीबार पनि डा.भट्टराई र प्रचण्डबीच संघ र प्रदेशको निर्वाचनमा मोर्चा बनाएर जाने विषयमा छलफल भएको थियो । उक्त भेटमा माओवादी केन्द्रका वरिष्ठ उपाध्यक्ष नारायणकाजी श्रेष्ठ र अन्य नेताहरुको पनि सहभागीता रहेकोमा आजको भेटमा भने प्रचण्ड र डा। भट्टराईबीच एक्लाएक्लै वार्ता भएको स्रोतले जनाएको छ ।

जनता समाजवादीबाट अलग भए नयाँ पार्टी खोलेका डा। भट्टराई आगामी चुनावका लागि बलियो बिकल्पको खोजीमा छन् ।