Sansar News
काठमाडौं । नेपाल स्टक एक्सचेन्ज(नेप्से)ले सेञ्चुरी कमर्सियल बैंकको कारोबार रोक्का गरेको छ । प्रभु बैंकले सेञ्चुरीलाई प्राप्ति गर्ने भएपछि प्राप्त पत्राचारका आधारमा कारोबार रोकेको हो ।
प्रभु बैंकले सेञ्चुरीलाई प्राप्ति गर्न आइतबार बेलुका प्रारम्भिक सम्झौतामा हस्ताक्षर भइसकेको छ । प्रभुले १०० रुपैयाँका दरले सेन्चुरीको शेयर गाभ्दै छ ।
दुई बैंकबीच प्राप्तिका लागि लामो छलफलपछि निष्कर्षमा पुगेको हो । प्राप्तिपछि एकीकृत कारोबार थाल्दा प्रभुको कुल पुँजीकोष झन्डै ३१ अर्ब ७१ करोड रुपैयाँ पुग्नेछ । जसमा सेयर पुँजी २२ अर्ब २६ करोडभन्दा बढी हुनेछ । यस्तै, अवितरित नाफा (रिटेन्ड अर्निङ) करिब २ अर्ब १० करोड र सञ्चित कोष (रिजर्भ) ७ अर्ब ३५ करोड हाराहारी छ ।
प्रभु र सेञ्चुरी बैंकले मंसिरभित्र एकीकृत कारोबार गर्ने, कारोबार प्रभु बैंकको नामबाट हुने
वि.सं.२०७९ साउन १६ सोमवार १५:०१ मा प्रकाशित
