Sansar News
काठमाडौं । अभियान लघुवित्तले सर्वसाधारणका लागि निष्काशन गरेको आईपिओ भोली (सोमबार) बाँडफाँड हुने भएको छ । बिक्रि प्रबन्धक मुक्तिनाथ क्यापिटलले सोमबार बिहान ८ बजे आफ्नै कार्यालयमा शेयर बाँडफाँड गर्न लागेको हो ।
कम्पनीले साउन १८ गतेदेखि साउन २२ गतेसम्म सर्वसाधारणका लागि आईपिओ बिक्रि खुला गरेको हो । कम्पनीले १०० अंकित दरको ९ लाख ७५ हजार कित्ता साधारण शेयर सर्वसाधारणका लागि निष्काशन गरेको थियो ।
जस मध्ये ४८ हजार ७ सय ५० कित्ता शेयर सामुहिक लगानी कोषहरुको लागि छुट्याईएको थियो भने १२ हजार ५ सय कित्ता शेयर कम्पनीका कर्मचारीका लागि सुरक्षित गरिएको थियो । बाँकि रहेको ९ लाख १३ हजार ७ सय ५० कित्ता शेयरको लागि सर्वसाधारणले आवेदन दिएका हुन् ।
कम्पनीको केन्द्रीय कार्यालय काभ्रेको पनौतीमा रहेको छ ।
वि.सं.२०७९ साउन २९ आइतवार १४:०९ मा प्रकाशित
