हामी सबैकाे संसारन्यूज

काठमाडौं । अभियान लघुवित्त वित्तीय संस्थाले सर्वसाधारणका लागि आईपीओ जारी गर्ने भएको छ । कम्पनीले साउन १८ गतेदेखि सर्वसाधारणका लागि आईपीआ निष्काशन गर्ने भएको हो ।

कम्पनीले १०० अंकित दरको ९ लाख ७५ हजार कित्ता साधारण शेयर सर्वसाधारणका लागि निष्काशन गर्न लागेको हो । जस मध्ये ४८ हजार ७ सय ५० कित्ता शेयर सामुहिक लगानी कोषहरुको लागि छुट्याइएको छ भने १२ हजाार ५ सय कित्ता शेयर कम्पनीका कर्मचारीहरुका लागि सुरक्षित गरिएको छ । बाँकी रहेका ९ लाख १३ हजार ७ सय ५० कित्ता शेयरका लागि सर्वसाधारणले आवेदन दिन सक्ने छन् ।

सर्वसाधारणले आईपीओ खरिदका लागि छिटोमा साउन २२ गते र ढीलोमा भदौ १ गतेसम्म आवेदन दिन सक्ने छन् । आवेदन दिँदा न्युनतम १० कित्तादेखि अधिकतम ३ हजार कित्ताका लागि आवेदन दिन सक्ने छन् ।

शेयर निष्काशनको लागि मुक्तिनाथ क्यापिटल बिक्रि प्रबन्धक रहेको छ । कम्पनीको केन्द्रीय कार्यालय काभ्रेको पनौतीमा रहेको छ ।